海嘯媒體

時勢使然，在報紙雜誌減紙、縮度、縮字、縮圖的年代，你會發現，原來經濟好壞都會影響平面媒體的版面設計，當年，當兩大報紙鬥到火紅火綠，半版圖、80 pt標題、意外連環圖日日有，間中更有跨版diagram添，此情此景，我想俱往矣。

如今，老闆們又開始那種高半度語調，來一句：「這個空位好浪費喎！」又或者：「唔好拉咁大，情願落多幾張相啦。」這不單是版面設計師、攝影師的惡夢，我相信，同時也是讀者的惡夢啊！你看，現在還有無雜誌理會「內容」與「廣告」的比例呢？大佬啊！那些廣告特約專輯、資料由客戶提供的，又點可以稱之為「內容」呢？

當頁頁硬野，資料汹湧，睇雜誌就好難再是一種消閒活動了。

更離譜是，報紙老闆們自己股票損手，又開始問一些無聊野，例如：「這一版，是不是可以一個星期只登一次，唔駛日日出呢？」、「這一版，似乎對我地收入無乜幫助喎，Cut左佢得唔得？」、「這些專欄，我覺得無乜必要呢？」

我想問下老闆，點解金融海嘯，會浸得你突然有如斯獨到見解呢！