熱烈祝賀陳太得左

陳太得左，孰好孰壞我真係唔敢講，但見到內地乜官流哂口水的興奮表情，真係眼冤。假如成功爭取一份工作，而會見到好似中左六合彩頭獎的表情，當中的心虛，不言而喻吧。

又似甚麼甚麼優秀專才定居香港，李雲迪又好，郎朗也好，搞一個「成就計分制」，即係以「名譽」來壓死人，奧運金牌有分加、圍棋冠軍又有分加，企業家獎又有分加，直頭就是把內地搞金錢關係的一套帶來香港，氣硬功、內刻畫、飛簷走壁、洗黑錢大王位位身懷絕技，你又點解覺得香港要有一個鋼琴冠軍與跳水王呢？可唔可以俾個計分表我睇睇呢，一個金牌值165分，對業界的發展有重大貢獻又165分，即係打尖、爆燈，無得好拗啦。

最後，咪又係俾特首、局長賣賣人情，我阿哥位朋友個家姐個鄉里的契細佬是中央首屆職業跨省市宇宙大帝散打王，這個成就你又認唔認呢，最後又經中央專業部門審核，又幫人家發大達囉。有眼的都知有人是為了出入境簽證方便、買名牌買豪宅方便啦，如果有心作育英才，早就經甚麼專業學府在港教學呢、又駛乜高調地哂甚麼「成就」啊。

有幾十億做後盾，陳太當選，成就都非凡。