你那邊幾點？

說亞視。人人開口埋口都在說亞視，高層、老闆、裁員、新聞、廣告、贊助，乜都有得講。

只是，電視不是說的，是睇的，就算公司變成talk of the town，就算高層成為 devil of the year，最重要的，是電視節目有無人睇，唔該，俾些少好節目我睇呢！我估，假如海洋公園無人去，那位盛智文又豈可繼續也文也武，猛搞出位宣傳呢。而現在，電視頻道繁忙，你說亞視偏向內地老土風格嗎？我就識得很多人，晚晚黃金時間轉看中央台劇集的，而我，間中亦會睇埋鳯凰衛視新聞，只要，有point有view，邊個敢說中國老土？新聞靠靚女，時事靠勁鬧，我想，這其實只是嘩眾的第一步，好希望，今次亞視的改革又唔會只行得一步半步。

其實，我速讀過管理學ABC，知道但凡一個職位的同事不停轉變，屢聘無效，說穿了，大多數是直屬上層的管理出現問題，而唔知道，亞視的股東、董事局又會否明白這條abc道理呢？

不過，講左咁多，我要聲明，我不是media planner妹妹仔或media director死老鬼。從來，電視節目於我，都只有好睇與唔好睇，那些幾多點幾多點，我是一丁點兒也不信的。講完。