我知，現在是海嘯，也是非常時期，但曾俊華和我一樣，每朝都會返工，好平常，但是，各大傳媒又是否有需要迫他每天講幾句無痛癢說話呢。
都唔知是新聞官迫令曝光，還是新聞採主真心真意，但曾司長連一年煲一頓的預算案都搞成一鑊怪味粥，咁就證明事與願違，有心未必有力，你看，事前有牛頭不搭馬嘴的電視答問廣告（笑得我），事後又漫畫、又視像、又家書，咁又點呢？最終是大部分總編、主筆、媒體老闆們都無法安撫，百家爭鳴，市民怒呼，我想說，廣告錢實在花得冤枉，相關的新聞官也真要打五十大板了。
所以，現在每朝見到曾局長，真是又怕他突然講錯說話，又惹來一堆指責怒罵，我想話，連我八卦小市民都唔想睇，不如唔好講啦，這種投票前的曝光率真是咁重要嗎，你估，你是黃毓民咩？
沒有留言:
發佈留言