鱘死

海洋公園的中華鱘死了又死，我雖然唔太關心，但就非常感受到記者筆鋒下的留情了。

記唔記得，康文署連露天泳池有蟲、有小朋友在泳池大小便都會面臨公審的，咁，海洋公園搞死國寶，咁又點可以輕易放過呢，我想講，是記者就算無力指鹿為馬，也有能力亂咁寫出草原上每頭鹿的內心世界、母子情仇的。

有知情權在上，但不一定須要是角色代入，正如新聞事件之中，也不一定有黑、有白、有忠、有奸的，康文署、醫管局甚至大部份官營機構被蘋果東方嚇至如今唔識做野、唔肯做野，點講，記者、編輯、甚至是公眾也要反思一下的。正如，有僱主鐘意日日狗血淋頭的鬧菲傭，咁，除了唔覺意教壞子女，傭人表現又是否有所改進呢？

如今看報，是想像力的一場考試，看記者寫海洋公園的風水壞事，我覺得，是編輯手下留情了，鬼佬主席下次落廣告可以重手一些了。