回雞

回歸慶到咁上下，都係時候停一停吧，耳膜、視覺接二連三的受到摧殘，害得我越來越怕電視、報紙媒體，各幕後大員好應該盡快結束搖尾哈巴的日子，重新製作一些對準觀眾、讀者興趣的內容吧。

當然，作為半點圈中人，自然明白以上說話講就「天下無敵、做就無能為力」的自慰處境，當今天綜合節目、劇集、新聞特輯、平面特刊通通受到冠名贊助之際，你可以製作一個回歸綜合節目而沒有紳士名流上台按掣的開幕儀式嗎？你可以用言論自由、以謝霆峰頂包案、胡仙案、居港權事件等作頭條的法治十年回歸特輯嗎？

答案唔駛答，我又唔敢答呢。

大概眾所周知，這一期的回歸大show全部都屬私人派對，是特區政府、社團組織、高商名流齊交功課的大日子，阿主席一句十周年要大搞，我直情覺得回到了封建年代，甚麼「逢五逢十」要大搞慶祝，你估香港是即將壽終正寢的白頭老漢嗎？我就從來未見過十歲活力兒童要大搞生日派對的，不過，今年有，仲要有政府、私人機構、年過半百的人大政協與你一齊慶祝添，死未。

這其實又不比排隊買名牌「環保袋」理智多少。

回說正題，我只想講的，是現在是「機構」主導一切，話鬼知你電視綜合節目的觀眾是某某某某，我就在此時此地炮製一堆合中央老人家心意、官紳有機會攞攞威、又有產品品牌俾幾十萬幾贊助的綜合晚會，又話鬼知巴士上的人其實只想看新聞、財經、音樂、笑話，我就要萬眾同心幾十位明星、老官齊齊講一「Roadshow慶回歸心連心晚會」，死未。你要知，你聽左九萬幾次者，北京弱聽領導人未必聽得到麻。