2007年11月16日

良心

企業來港上市、自由行、又或者股票直通車,你好難話中央對香港人不是非常慷慨,實在有心,但諗深一層,內地經濟扭曲起飛,政治、民生半部不進,這種形勢,你又怎能沒有惻隱之心。

即係想話,蘇聯解體,經濟開改,一個又一個的油王巨賈陸續登場,連政治家都成為西方國家追捧對象之際,俄國本土民生社會是否又正值起飛,無憂米呢?說責任,有時我會覺得,當大家看到市場開放,大把商機,馬上合作收購上市賺大錢之際,是不是應該要勸導一下那個政府,改革一下社會民生、政治言論、自由平等的問題呢?

就連香港人不停拉衫尾賺股票錢,又上京、上滬賺了一桶又一桶的人民紙,咁究竟是否只對中央領導人奉承點頭就是呢?香港商家的無腦無良心其實有口皆知,早廿年開始剝削珠三角勞動人口,賺了幾幢半山豪宅就只會回鄉放低幾廿萬辦學建路,這夠不夠呢?

賺了錢的,你可以到泰國打Golf、歐洲旅遊、美國探親、日本Shopping,但又怎可補償在投資建廠時趕絕的農民、貧民呢?當你明知大部分利益都落入了地方官府、有關有係的人袋中,怎可以又自命自己跟足法理投資,有交稅,有買地的。

我又想說,當我填表抽新股、寫支票的時候,我們又怎樣對待這個國家的經濟起飛,對,大家都認為這是合理合法的賺錢途徑,咁內地俾官賈壟斷的電訊、媒體、能源、土地你又點睇呢?跟大隊,拉衫尾,五十年後這一小撮富人還是富,那三億的貧民是否又已成功上岸,民主自由是否響遍全國呢?

香港人被一百五十年的修煉培訓,連自家門前的雪都不太想掃,只求屋內溫飽,只求水電冷氣暖氣Plasma日日新款,又點會理到鄰近地區的扭曲政策,不自由,不民主,有怨又有屈。

終有一天,劉德華都會睇唔過眼,一拳打醒,只是回頭,你又怕這是人家的社會文化,干預不得,咁又只能繼續賺錢,放棄惻隱吧。